16 лютага ў дзіцячым філіяле навучэнцы 7 класа Путрышкаўскай сярэдняй школы сталі ўдзельнікамі літаратурна-пазнавальнага квэста “Сцежкамі Купалы”. Мерапрыемства праходзіла напярэдадні Дня роднай мовы і было прысвечана класіку беларускай літаратуры.

Маршрутны ліст інтэлектуальнай гульні ўключаў “Энцыклапедычную”, “Біяграфічную”, “Літаратуразнаўчую”, “Выдавецкую”, “Геральдычную” і нават “Піяр-праектную” станцыі. Удзельнікам было трэба было знайсці неабходныя звесткі ў энцыклапедычных выданнях, разгадаць філворд, пазнаёміцца з радавым гербам, скласці вершаваны радок, “выдаць” ЛЕГА-вокладку першага зборніка Янкі Купалы і нават стварыць афішу з дапамогай камп’ютарнай графікі.

Кніжна-ілюстраваная выстава “К зорам жа мчаціся будзе твой дух…” не толькі нагадала школьнікам мастацкія творы Янкі Купалы, але пазнаёміла з выданнямі, якія асвятляюць жыццёвы і творчы шлях пісьменніка-юбіляра 2022 года. У дэманструемых на выставе выданнях можна знайсці матэрыялы з фондаў Дзяржаўнага літаратурнага музея Янкі Купалы: рукапісы вершаў, фатаграфіі, мастацкія работы, ілюстрацыі да твораў паэта.