Праекты

З мэтай удасканалляння дзейнасці бібліятэк, прапаганды творчасці пісьменнікаў, укаранення новых тэхналогій, актывізацыі навукова-даследчай работы, пошука новых формаў і метадаў работы з чытачамі і г.д. сярод бібліятэчных устаноў і іх чытачоў штогод праводзяцца абласныя конкурсы і акцыі.

 

2023

Абласны выставачны праект “Хронікі кніжных паліц”

На працягу года ў кожнай бібліятэцы арганізуюцца разнастайныя тэматычныя кніжныя выставы, экспазіцыі, як у традыцыйным, так і ў віртуальным фармаце.

Інфармацыйнае напаўненне залежыць ад творчага падыходу бібліятэкараў: гістарычныя падзеі, даты народнага календара, парады пры рамонтах, хатнія жывёлы, дызайн інтэр’ера, дачныя пытанні і адказы і г.д.

Інфармацыйнае суправаджэнне праекта неабходна размяшчаць на старонках мясцовых СМІ, сайтах раённай (гарадской цэнтральнай) і абласной бібліятэк, у сацыяльных сетках з кароткай анатацыяй і фотаздымкамі.

Абласны агульнаадукацыйны праект “Аб чым не паведаміў падручнік”

Сумесны праект публічных бібліятэк з установамі адукацыі накіраваны на папулярызацыю літаратуры ў адпаведнасці са школьнымі праграмамі праз арганізацыю кніжных экспазіцый і тэматычных мерапрыемстваў: мультымедыйныя прэзентацыі, гучныя чытанні, адкрытыя мікрафоны, тэматычныя агляды, фотавыставы, дыспуты, флэшмобы і г.д.

Інфармацыя аб праведзенай рабоце размяшчаецца на сайтах раённай (цэнтральнай гарадской) і абласной бібліятэк, у сацыяльных сетках з кароткай анатацыяй і фотаздымкамі.

2022

Абласны праект “17-я старонка”

Абласны праект накіраваны на папулярызацыю прафесіі бібліятэкара ў моладзевым асяроддзі, фарміраванне пазітыўнага сацыяльнага і прафесійнага іміджу бібліятэкара.

Для ўдзелу ў праекце неабходна запісаць відэаролік у якім супрацоўнікі бібліятэк будуць расказваць пра сябе не толькі як пра сучаснага бібліятэкара, але і з іншага боку, як творчага і сямейнага чалавека.