“Мой лёс, мая дарога…”

Паэзія…

Мой лёс,

Мая дарога,

Ты зоркай будзь у самы цяжкі час.

Не пакідай мяне, мая трывога,

Каб прысак сэрца

Раптам не пагас.

Менавіта з такіх слоў пачаўся літаратурны партрэт “Мой лёс, мая дарога…” ў філіяле “Стралецкая сельская бібліятэка” 22 жніўня, які быў прысвечаны 75-годдзю з дня нараджэння Ірыны Данік, вядомай беларускай паэткі, члена Гродзенскага абласнога аддзялення ГА “Саюз пісьменнікаў Беларусі”, жыццё і дзейнасць якой звязана з Мастоўшчынай і в. Стральцы.

На мерапрыемства былі запрошаны людзі сталага ўзросту. Бібліятэкар пазнаёміла прысутных з жыццёвым і творчым шляхам Ірыны, расказала пра калектыўныя зборнікі, у якіх надрукаваны вершы паэткі, і прачытала некалькі яе вершаў, а таксама пазнаёміла з альбомам “Паэтэса прынеманскага краю”.

Сваімі ўспамінамі пра Ірыну Мікалаеўну падзялілася яе родная сястра Ясевіч Марыя.

У заключэнні мерапрыемства ўсе прысутныя паглядзелі відэапрэзентацыю “Радком сваім яна край праславіла”.

У вёсцы Стральцы Ірыну Мікалаеўну ведаюць і памятаюць, як таленавітага, шчырага і добразычлівага чалавека, якая ў сваім вершы пісала:

Мая паэзія…

Ты – ўсюды

У бляску солнца

І вачах.

Гучыш усім,

Хто сэрцам шчырым

Тваей кранаецца струны.