Паважаная Людміла Антонаўна!

Калектыў Гродзенскай абласной навуковай бібліятэкі імя Я.Ф. Карскага шчыра і сардэчна віншуе Вас з юбілеем!

Для нашай бібліятэкі і для ўсёй Гродзеншчыны Вы — чалавек асаблівы. Ваша творчасць — гэта сапраўдная паэтычная споведзь, у якой жыве любоў да роднага краю, мілагучнасць беларускага слова і глыбокая жыццёвая мудрасць. Кожная сустрэча з Вамі ў нашых сценах — гэта заўсёды свята паэзіі, святла і душэўнага цяпла.

Мы бязмежна ўдзячны Вам за шматгадовае сяброўства, сумесныя праекты і Ваш вялікі ўклад у папулярызацыю кнігі і чытання. Вы вучыце любіць Роднае Слова і бачыць прыгажосць у кожным імгненні жыцця.

Жадаем Вам, дарагая Людміла Антонаўна, моцнага здароўя, душэўнага спакою і нязгаснай творчай энергіі! Няхай кожны дзень прыносіць натхненне для новых твораў, а Ваша жыццёвая ніва будзе багатай на радасныя падзеі, шчырых сяброў і ўдзячных чытачоў. Няхай Ваша муза ніколі не стамляецца дарыць нам прыгажосць пісьменніцкай творчасці!

З павагай і любоўю,

калектыў галоўнай кніжніцы Прынёмання.