Віншуем са святамі!
Апошнія дні снежня заўсёды напоўнены перадсвяточнай мітуснёй, пошукамі цікавых падарункаў сябрам і блізкім, і, канешне, планамі і марамі, якія так хацелася б ажыццявіць у Новым годзе.
Дарагія сябры!
Ад усяго сэрца віншуем Вас з надыходзячымі святамі!
Шчыра дзякуем чытачам, навучальным установам, сацыяльным партнёрам, арганізацыям і прадпрыемствам горада, што на працягу 2023-га Вы былі з намі! Разам мы змаглі рэалізаваць цікавыя праекты і сустрэчы, адсвяткаваць знакавыя падзеі і зрабіць мноства добрых спраў, і ўсё гэта дзякуючы неверагоднаму свету літаратуры!
У Новым годзе жадаем Вам 12 месяцаў поспеху, 52 тыдні бадзёрасці, 365 дзён весялосці, 8760 гадзін радасці, 525600 хвілін аптымізму і 31536000 секунд шчасця, і каб у гэтым карагодзе часу абавязкова знайшлося месца на сустрэчу з добрымі кнігамі!
Цяпла і ўтульнасці, яскравых эмоцый і добрага настрою Вам і Вашым блізкім! З Новым годам!
З павагай, калектыў ДУК “Гродзенская абласная навуковая бібліятэка імя Я.Ф. Карскага”.