Штогод у другую нядзелю мая наша краіна адзначае Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь!

Галоўныя сімвалы нашай краіны з’яўляюцца ўвасабленнем нацыянальнай ідэі беларускай дзяржавы – адзінства, суверэнітэту і незалежнасці Айчыны. Яны адлюстроўваюць гістарычныя, духоўныя і маральныя рысы нацыі, асаблівасці культуры і светапогляду беларускага народа, яго імкненне да самавызначэння і самастойнага развіцця.

Гэта слаўная гісторыя народа Беларусі і яго шматвяковыя традыцыі, якія кожны беларус павінен ведаць, паважаць і берагчы. Гэта наша будучыня ў  самастойнай і кветнеючай краіне!

Гродзенская абласная бібліятэка віншуе са святам галоўных сімвалаў незалежнасці дзяржавы. Міра і дабра!