Дарагія чытачы, сябры!

ДУК “Гродзенская абласная навуковая бібліятэка імя Я.Ф. Карскага” шчыра віншуе з Днём Вялікай Перамогі!

Наша краіна сустракае 78-ую мірную вясну, і мы ўдзячна схіляем галовы перад тымі, хто падарыў нам гэты свет. Мы працягваем памятаць пра тое, якой цаной была атрымана перамога, і выказваем падзяку нашым дзядам і прадзедам. Дапамагаюць захоўваць памяць і кнігі, што вучаць падрастаючае пакаленне быць смелымі і берагчы родную зямлю, распавядаюць пра падзеі вайны і тых, хто змагаўся часам не на жыццё, а на смерць.

Мы хочам пажадаць ветэранам здароўя, краіне – росквіту, і ўсім людзям жыць у міры адзін з адным!

З Днём Перамогі!!!

З павагай, калектыў ДУК «Гродзенская абласная навуковая бібліятэка імя Я.Ф. Карскага»