Бібліятэкары аддзела мастацтва правялі выяздную выставу-прагляд літаратуры “Народнае мастацтва Беларусі” ў Гродзенскім абласным метадычным цэнтры народнай творчасці.

Была прадстаўлена літаратура для ўдзельнікаў абласнога семінара-вучобы для спецыялістаў і загадчыкаў аддзелаў РЦКНТ “Арганізацыя работы этнаграфічных даследаванняў, фіксацыя матэрыялаў рэгіянальнай традыцыйнай культуры і захаванне іх у электроннай базе дадзеных”. Спецыялісты з вялікай цікавасцю пазнаёміліся з кнігамі і альбомамі па розных відах і формах народнай творчасці: разьбе па дрэве, ганчарству, кавальству, ткацтву, вышыўцы, роспісу, саломапляценню, выцінанцы. Для ўдзельнікаў семінара праводзіліся агляды і кансультацыі па выставе. Тэарэтычны і практычны матэрыял па дадзенай тэме ў далейшым будзе выкарыстаны ў рабоце прафесіяналаў!

Далучыцца да творчага свету можна ў аддзеле бібліятэкі па адрасе: вул. Савецкая, 25.