Юбіляры ліпеня
1 – 180 гадоў з дня нараджэння Баранецкага Восіпа (Іосіфа) Васільевіча (1843, Гродзеншчына – 1905), расійскага батаніка, прыродазнаўца, педагога, члена-карэспандэнта Пецярбургскай АН.
2 – 150 гадоў з дня нараджэння Тальгейма Аляксандра Карлавіча (1873 – 1937), гродзенскага ўрача і грамадскага дзеяча. Старшыня Гродзенскага музычна-драматычнага таварыства “Муза” з 1907 г., член праўлення Гродзенскага музея прыроды ў 1924 г.
3 – 70 гадоў з дня нараджэння Царлюкевіча Віталя Казіміравіча (нар. у 1953 г.), беларускага мовазнаўца. З 1982 г. працаваў у ГрДУ імя Я. Купалы.
5 – 75 гадоў з дня нараджэння Ануфрыева Генадзя Рыгоравіча (нар. у 1948 г., Смаргонь), беларускага і расійскага пісьменніка, журналіста.
5 – 50 гадоў з дня нараджэння Радзівончыка Дзмітрыя Мікалаевіча (нар. у 1973 г., Гродна), паэта, публіцыста, літаратурнага крытыка, члена Гродзенскага абласнога аддзялення ГА “Саюз пісьменнікаў Беларусі”.
7 – 70 гадоў з дня нараджэння Бібілы Пятра Мікалаевіча (нар. у 1953 г., в. Нацавічы Мастоўскага раёна), беларускага вучонага ў галіне тэхнічнай кібернетыкі, доктара тэхнічных навук.
9 – 50 гадоў з дня нараджэння Паўлава Аляксандра Валер’евіча (нар. у 1973 г.), беларускага спартсмена (грэка-рымская барацьба), выпускніка Гродзенскага вучылішча алімпійскага рэзерву (1994), заслужанага майстра спорту Беларусі (1996), сярэбранага прызёра XXVI Алімпійскіх гульняў (1996, Атланта).
10 – 60 гадоў з дня нараджэння Семянякі Валянціна Міхайлавіча (нар. у 1963 г.), беларускага паэта, дзяржаўнага дзеяча. Жыў у в. Князева Зэльвенскага раёна.
11 – 75 гадоў з дня нараджэння Розенблюма Аляксандра Веніямінавіча (нар. у 1948 г.), вучонага-матэматыка, педагога, прафесара. У 1978-1992 гг. працаваў у ГрДУ імя Я. Купалы.
15 – 120 гадоў з дня нараджэння Лябецкай Алены Канстанцінаўны (1903, Слонімскі раён – 1982), дзеяча рэвалюцыйнага і нацыянальна-вызваленчага руху ў Заходняй Беларусі, арганізатара гурткоў Таварыства беларускай школы. У 1927 г. – сакратар Слонімскай акруговай управы Таварыства беларускай школы.
15 – 110 гадоў з дня нараджэння Суцкевера Абрама Герцавіча (1913, Смаргонь – 2010), яўрэйскага паэта.
15 – 80 гадоў з дня нараджэння Ігнатовіча Станіслава Казіміравіча (нар. у 1943 г., в. Дубоўка Гродзенскага раёна), музычнага педагога. У 1972-1977 гг. працаваў у ГрДУ імя Я. Купалы.
15 – 75 гадоў з дня нараджэння Рэвякі Васіля Афанасьевіча (нар. у 1948 г.), беларускага вучонага-заатэхніка, кандыдыта сельскагаспадарчых навук, заслужанага работніка сельскай гаспадаркі Беларусі, Героя Беларусі (2006), кавалера ордэна “Знак Пашаны”. У 1975-1985 гг. працаваў у калгасе “Прагрэс” Гродзенскага раёна. У 1985-1991 гг. – на партыйнай рабоце (інструктар Гродзенскага абкама КПБ, першы сакратар Мастоўскага райкама КПБ). З 1995 г. – старшыня СВК “Прагрэс-Верцялішкі” Гродзенскага раёна.
16 – 120 гадоў з дня нараджэння Ліберзона Рыгора Якаўлевіча (1903 – 1966), вучонага ў галіне неўралогіі, доктара медыцынскіх навук, прафесара. У 1961-1964 гг. працаваў у ГрДМІ.
16 – 80 гадоў з дня нараджэння Карчэўскага Уладзіміра Максімавіча (нар. у 1943 г., в. Клепачы Свіслацкага раёна), беларускага спартыўнага педагога, заслужанага трэнера Беларусі. У 1987-1989 гг. – дырэктар Гродзенскага тэхнікума фізкультуры. З 1989 г. працаваў у ГрДУ імя Я. Купалы.
17 – 190 гадоў з дня нараджэння Мірскага (Святаполк-Мірскага) Мікалая Іванавіча (1833 – 1898), расійскага ваеннага дзеяча, генерал-ад’ютанта, генерала ад кавалерыі. У 1891 г. набыў Мірскі замак, пабудаваў у Міры вінакурны завод, палац, заклаў парк.
20 – 75 гадоў з дня нараджэння Бадзюкова Аляксандра Фёдаравіча (1948 – 2008), беларускага вучонага ў галіне эканамічных навук, педагога. З 1979 г. працаваў у ГрДУ імя Я. Купалы.
23 – 80 гадоў з дня нараджэння Цяжкага Артура Іосіфавіча (1943, в. Лылойці Смаргонскага раёна – 1984), беларускага пісьменніка, журналіста. Працаваў літаратурным супрацоўнікам смаргонскай раённай газеты “Светлы шлях” і “Астравецкай праўды”, адказным сакратаром Гродзенскага абласнога таварыства аховы помнікаў гісторыі і культуры, рэдактарам Гродзенскага абласнога цэнтра народнай творчасці.
23 – 70 гадоў з дня нараджэння Мурзіч Людмілы Іванаўны (1953, в. Зенявічы Навагрудскага раёна – 2016), беларускага літаратуразнаўца, педагога. У 1975-2014 гг. працавала ў ГрДУ імя Я. Купалы.
24 – 80 гадоў з дня нараджэння Абознага Мікалая Дзмітрыевіча (нар. у 1943 г.), ваеннага медыка, падпалкоўніка медыцынскай службы. У 1973-1982 гг. – начальнік Гродзенскага ваеннага шпіталя. У 1982-1989 гг. – начальнік ваеннай кафедры ГрДМІ.
24 – 70 гадоў з дня нараджэння Матуса Пятра Паўлавіча (нар. у 1953 г., г.п. Рось Ваўкавыскага раёна), беларускага матэматыка, доктара фізіка-матэматычных навук, прафесара.
27 – 80 гадоў з дня нараджэння Гайдуліс (Луцэнка-Гайдуліс) Алены Андрэеўны (1943, в. Складанцы Воранаўскага раёна – 2009), беларускай актрысы, заслужанай артысткі Беларусі. У 1973-1975 гг. і з 1983 г. – актрыса Гродзенскага абласнога драматычнага тэатра.
27 – 60 гадоў з дня нараджэння Грушы Рышарда Баляслававіча (нар. у 1963 г., в. Сцеркава Лідскага раёна), мастака, скульптара, паэта.
28 – 130 гадоў з дня нараджэння Русілкі Уладзіміра Кузьміча (1893, в. Бершты Шчучынскага раёна – 1976), беларускага хормайстра, педагога.
28 – 70 гадоў з дня нараджэння Марцён Майі Уладзіміраўны (нар. у 1953 г., в. Аканавічы Карэліцкага раёна), беларускага гісторыка, педагога. З 1975 г. працуе ў ГрДУ імя Я. Купалы.
29 – 75 гадоў з дня нараджэння Каракі Віктара Іванавіча (нар. у 1948 г., Гродна), беларускага архітэктара.
31 – 110 гадоў з дня нараджэння Петрыкевіча Міхаіла Фёдаравіча (1913. в. Падкасоўе Навагрудскага раёна – 1999), беларускага краязнаўца, музеязнаўца, педагога, заслужанага настаўніка Беларусі.