Юбіляры кастрычніка
4 – 75 гадоў з дня нараджэння Байчорава Аляксандра Мухтаравіча (нар. у 1948 г., Гродна), беларускага палітолага, філосафа, доктара філасофскіх навук, прафесара.
5 – 120 гадоў з дня нараджэння Шагуна Георгія Іосіфавіча (1903 г., в. Партызанская Гродзенскага раёна – 1960 г.), дзеяча рэвалюцыйнага руху ў Заходняй Беларусі. З 1925 г. – сакратар Скідзельскага раённага і член Гродзенскага акружнога камітэтаў КПЗБ, адзін з арганізатараў Скідзельскага паўстання 1939 г., удзельнік Вялікай Айчыннай вайны. З 1945 г. на савецкай і гаспадарчай рабоце ў г. Скідзель Гродзенскага раёна.
8 – 70 гадоў з дня нараджэння Радзевіча Леаніда Іванавіча (нар. у 1953 г., Гродна), беларускага мастака.
12 – 75 гадоў з дня нараджэння Карпінскага Віктара Войцехавіча (нар. у 1948 г., Гродна), беларускага філосафа, педагога. У 1975-1980 гг. працаваў у ГрДМІ, у 1980-1991 гг. – у Гродзенскім дзяржаўным сельскагаспадарчым інстытуце. З 1996 г. працуе ў ГрДУ імя Я. Купалы.
12 – 70 гадоў з дня нараджэння Малевіча Юрыя Канстанцінавіча (нар. у 1953 г., в. Жыровічы Слонімскага раёна), беларускага вучонага ў галіне акушэрства і гінекалогіі, доктара медыцынскіх навук, прафесара.
16 – 75 гадоў з дня нараджэння Сямашкі Яўгена Ігнатавіча (нар. у 1948 г., в. Ігнаткаўцы Лідскага раёна), беларускага журналіста, гісторыка. Працаваў журналістам у Гродне.
18 – 120 гадоў з дня нараджэння Ермачка Мацвея Лук’янавіча (1903 г., в. Доўгая Шчучынскага раёна – 1979 г.), беларускага ваеннага дзеяча, удзельніка грамадзянскай і Вялікай Айчыннай войнаў, генерал-маёра Савецкай Арміі.
18 – 80 гадоў з дня нараджэння Аношкі Ядвігі Іванаўны (нар. у 1943 г., г.п. Іўе), беларускага вучонага ў галіне геалогіі, мінералогіі, глебазнаўства.
18 – 80 гадоў з дня нараджэння Дзмітрыева Генадзя Рыгоравіча (нар. у 1943 г.), беларускага паэта, публіцыста. У 1967-1974 гг. працаваў настаўнікам у Варанчанскай сярэдняй школе Карэліцкага раёна.
18 – 70 гадоў з дня нараджэння Гіруць-Русакевіч Валянціны Францаўны (1953 г., в. Міхайлоўшчына Ашмянскага раёна – 2021 г.), беларускай паэткі, журналіста.
20 – 75 гадоў з дня заснавання Гродзенскага абласнога аб’яднання прафсаюзаў (1948 г.).
22 – 75 гадоў з дня нараджэння Малышавай Вольгі Леанідаўны (нар. у 1948 г., Гродна), мовазнаўца, педагога. З 1973 г. працавала ў ГрДУ імя Я. Купалы.
23 – 70 гадоў з дня нараджэння Анісімавай Алены Аляксандраўны (нар. у 1953 г.), беларускага мовазнаўца. З 1979 г. працавала ў ГрДУ імя Я. Купалы.
29 – 80 гадоў з дня нараджэння Навумовіча Уладзіміра Аляксандравіча (нар. у 1943 г., в. Баўцічы Карэліцкага раёна), беларускага пісьменніка, літаратуразнаўца, крытыка.
29 – 60 гадоў з дня нараджэння Козела Генадзя Баляслававіча (нар. у 1963 г., в. Дындылішкі Іўеўскага раёна), беларускага мастака-жывапісца.
30 – 140 гадоў з дня нараджэння Быліны Янкі (сапр. Семашкевіч Ян Казіміравіч; 1883 г., в. Лакцяны Астравецкага раёна – 1956 г.), беларускага паэта, драматурга, перакладчыка, рэлігійнага і культурна-грамадскага дзеяча. Служыў ксяндзом на Ашмяншчыне, Слонімшчыне, Свіслаччыне.