Юбіляры верасня
3 – 130 гадоў з дня нараджэння Хлябцэвіча Уладзіміра Іванавіча (1894, в. Жыровічы Слонімскага раёна – 1917), удзельніка беларускага літаратурна-грамадскага руху пач. XX ст.
3 – 120 гадоў з дня нараджэння Навагрудскага Герцаля Самойлавіча (1904, Ваўкавыск – 1973), рускага пісьменніка, журналіста.
3 – 75 гадоў з дня нараджэння Ключэні Валерыя Аляксеевіча (нар. у 1949 г.), беларускага музыканта (баян), педагога, лаўрэата прэміі імя А. І. Дубко Гродзенскага аблвыканкама “За творчыя дасягненні ў галіне культуры і мастацтва” ў намінацыі “Музыкант года” (2007). З 1968 г. працуе ў Гродзенскім дзяржаўным каледжы мастацтваў.
3 – 75 гадоў з дня нараджэння Ларыёнава Аляксандра Мікалаевіча (1949 – 2013), беларускага мастака, скульптара, педагога, паэта. Стваральнік і першы дырэктар галерэі “Тызенгаўз”, адзін з арганізатараў галерэі “Uniwersum” у ГрДУ імя Я. Купалы, першы куратар выставачных праектаў у Гродне.
7 – 310 гадоў з дня нараджэння Карыцкага Міхала (1714, в. Дзітрыкі Лідскага раёна – 1781), беларускага асветніка, паэта, педагога, грамадскага дзеяча.
13 – 170 гадоў з дня нараджэння Цыбульскага Напалеона (Нікадзіма) Восіпавіча (1854, в. Крываносы Астравецкага раёна – 1919), фізіёлага, філосафа, грамадскага дзеяча.
13 – 110 гадоў з дня нараджэння Гойліка Эдуарда (1914, в. Верабейкі Свіслацкага раёна – 1977), музычнага педагога, хормайстра, кампазітара.
14 – 140 гадоў з дня нараджэння Абрантовіча Фабіяна (1884, в. Вераскава Навагрудскі раён – 1946), рэлігійнага і грамадскага дзеяча, аднаго з заснавальнікаў беларускага хрысціянскага руху.
17 – 250 гадоў з дня нараджэння Тышкевіча Тадэвуша (1774 – 1852), дзяржаўнага і ваеннага дзеяча. Меў спадчыннае Свіслацкае графства ў Ваўкавыскім павеце. Быў ініцыятарам будаўніцтва Свіслацкай гімназіі.
18 – 140 гадоў з дня нараджэння Карнасевіча Рамуальда Марцінавіча (1884, Гродна – пасля 1940), рускага пісьменніка.
20 – 80 гадоў з часу ўтварэння Бераставіцкага раёна, адміністрацыйна-тэрытарыяльнай адзінкі ў Беларусі (Гродзенская вобласць; 1944).
20 – 80 гадоў з часу ўтварэння Гродзенскай вобласці, адміністрацыйна-тэрытарыяльнай адзінкі ў Беларусі (1944).
21 – 70 гадоў з дня нараджэння Мальцавай Лідзіі Васільеўны (нар. у 1954 г.), у 1997-2020 гг. дырэктара ДУК “Гродзенская абласная навуковая бібліятэка імя Я. Ф. Карскага”.
23 – 130 гадоў з дня нараджэння Маршака Майсея Якаўлевіча (1894, Масты – 1977), вучонага ў галіне фізіялогіі, члена-карэспандэнта АМН РСФСР, доктара медыцынскіх навук, заслужанага дзеяча навукі РСФСР.
24 – 75 гадоў з дня нараджэння Кіслушкі Пятра Міхайлавіча (нар. у 1949 г., в. Трумпы Ваўкавыскага раёна), беларускага біяхіміка, педагога. У 1984-1986 гг. працаваў у ГрДУ імя Я. Купалы.
25 – 240 гадоў з дня нараджэння Канарскага Міхала (1784, Слонім – 1861), журналіста, педагога. Скончыў школу базыльянаў у Жыровічах (Слонімскі раён).
25 – 110 гадоў з дня нараджэння Смаршчка Яўгена Трафімавіча (1914 г. п. Зэльва – 1984), педагога, доктара педагогікі, прафесара, праваслаўнага святара. Вучыўся ў Слонімскай і Свіслацкай настаўніцкіх семінарыях. Настаўнічаў у Поразаве Свіслацкага раёна.
26 – 80 гадоў з часу стварэння Гродзенскай абласной калегіі адвакатаў (1944).
29 – 230 гадоў з дня нараджэння Ходзькі Ігната (1794 ці 1795 – 1861), пісьменніка, мемуарыста, кандыдата філасофіі. Вучыўся ў Барунскай базыльянскай школе на Ашмяншчыне. Жыў у маёнтку Дзевятня (Смаргонскі раён).
29 – 75 гадоў з дня нараджэння Кандрусевіча Уладзіміра Пятровіча (нар. у 1949 г., Гродна), беларускага кампазітара, лаўрэата тэатральнай прэміі імя Л. Мазалеўскай (1992), Дзяржаўнай прэміі Беларусі (2016). Узнагароджаны медалём Францыска Скарыны (2007).
29 – 75 гадоў з дня нараджэння Левінай Раісы Леанідаўны (1949 г., Гродна – 2018), музычнага педагога, хормайстра. З 1973 – 2018 гг. працавала ў ГрДУ імя Я. Купалы. Узнагароджана медалём Францыска Скарыны (2010).
30 – 80 гадоў з дня нараджэння Васкабоева Аляксандра Іванавіча (1944 – 2017), беларускага вучонага ў галіне біяхіміі, доктара біялагічных навук, члена-карэспандэнта Беларускай тэхнічна-інжынернай акадэміі, прафесара. Працаваў у ГрДУ імя Я. Купалы.