Чароўны свет

Чароўны свет : з беларускіх міфаў, паданняў і казак / [мастак В. П. Слаук]. – 3-е выд.. – Мінск : Беларусь, 2023. – 215 с.

На беларускай зямлі спрадвеку існавалі міфы. І ўжо некалькі стагоддзяў збіраюць і запісваюць легенды, казкі, паданні ад старэйшых, мудрых людзей – нашых далёкіх і блізкіх продкаў, якія чулі і пераймалі гісторыі ад сваіх дзядуль і бабуль, а тыя – ад сваіх. Гэта цікавыя апавяданні пра тых істот, якімі ва ўяўленнях людзей быў населены ўвесь навакольны свет.

У кнізе падрабязна можна даведацца пра характары, звычкі, норавы найбольш папулярных незвычайных герояў беларускіх легенд і казак, вобразы беларускай міфалогіі, што захаваліся ў духоўнай спадчыне да нашых дзён. Асілак, Балотнік, Жэўжык, Лясун, Начніцы, Шэшкі і іншыя персанажы, якія дапамагалі ці шкодзілі сярод балот, палёў і лясоў, азёр і рэк, на падворку і ў хаце, у паветры, вадзе і пад зямлёй.

Кніга падрыхтавана на аснове матэрыялаў выдавецтва “Беларуская Энцыклапедыя імя Петруся Броўкі”, а таксама аўтарскіх артыкулаў беларускіх даследчыкаў міфалогіі і фальклору. Апавяданні пра дзівосных персанажаў дапоўнены цудоўнымі ілюстрацыямі, якія дапамагаюць уявіць чароўны свет, што зберагла людская памяць і захавала вусная народная творчасць беларускага народа.

Пазнаёміцца з выданнем можна ў аддзеле краязнаўства: вул. Карбышава, 17 (каб. 107). Тэл.: 71-89-54.