13 лютага, да Дня памяці воінаў-інтэрнацыяналістаў, у Навагрудскай раённай бібліятэцы прайшоў гісторыка-літаратурны экскурс «Афганистан… дни, ушедшие в вечность», прымеркаваны да 36-й гадавіны вываду Абмежаванага кантынгенту савецкіх войскаў з Афганістана. Падчас мерапрыемства навучэнцы другога курса Навагрудскага гандлёва-эканамічнага каледжа даведаліся аб прычынах уводу савецкіх войскаў і ходзе баявых дзеянняў у Афганістане, аб нашых земляках, якія гераічна загінулі там. Увазе навучэнцаў была прадстаўлена выстава мастацкай і дакументальна-публіцыстычнай літаратуры, ілюстраваныя альбомы і газетныя артыкулы, паказаны кадры дакументальнай хронікі. Важнае месца ў экспазіцыі займалі кнігі беларускага пісьменніка, удзельніка баявых дзеянняў у Афганістане Мікалая Чаргінца.