У Гродзенскай абласной навуковай бібліятэцы імя Я.Ф. Карскага адбылася прэзентацыя новай кнігі вядомага беларускага пісьменніка, публіцыста, перакладчыка, заслужанага дзеяча культуры Рэспублікі Беларусь, тэле- і радыёжурналіста — Навума Гальпяровіча “Чырвоны мост”.

Вечар прайшоў у цёплай, сяброўскай атмасферы, напоўненай шчырымі эмоцыямі. Госці мерапрыемства атрымалі ўнікальную магчымасць асабіста пагутарыць з аўтарам, акунуцца ў свет яго творчасці і даведацца пра гісторыю стварэння новай кнігі.

Сваімі ўражаннямі аб рамане падзялілася падзялілася кандыдат філалагічных навук, дацэнт кафедры беларускай філалогіі Гродзенскага дзяржаўнага ўніверсітэта імя Янкі Купалы, літаратуразнаўца, член Саюза пісьменнікаў Беларусі Аліна Сабуць. Старшыня Гродзенскага абласнога аддзялення Саюза пісьменнікаў Беларусі Людміла Кебіч з калегамі выказалі глыбокую павагу Навуму Якаўлевічу як знакавай постаці ў беларускай культуры.

Асаблівую атмасферу стварылі ўражанні-успаміны гродзенскай паэткі, члена Саюза пісьменнікаў Беларусі Вольгі Алізар. А мастак, генеральны дырэктар ТАА “Рэдакцыя газеты “Шапокляк”, аўтар сяброўскіх шаржаў Анатоль Гармаза ўнёс ноту цёплага гумару.

Глыбокае, шчырае і займальнае выступленне Навума Якаўлевіча знайшло жывы водгук у сэрцах слухачоў. Прэзентацыя пакінула яркія ўражанні, і няма сумненняў, што “Чырвоны мост” хутка знойдзе сваіх адданых чытачоў.

Калектыў абласной бібліятэкі шчыра дзякуе Навуму Гальпяровічу за натхняльную сустрэчу і выказвае глыбокую павагу. Жадаем Вам, паважаны Навум Якаўлевіч, моцнага здароўя, невычэрпнай творчай энергіі, новых грандыёзных ідэй і бясконцых апладысментаў удзячных чытачоў!