Калегія ўпраўлення культуры адбылася 7 лютага ў Гродзенскім абласным выканаўчым камітэце. Былі падведзены вынікі работы ўстаноў культуры Гродзенскай вобласці ў 2023 годзе і акрэслены задачы на 2024 год.

Падчас мерапрыемства адбылося ўрачыстае ўзнагароджванне спецыялістаў сферы культуры, сярод якіх і супрацоўнікі Гродзенскай абласной навуковай бібліятэкі імя Я.Ф. Карскага.

Ганаровую грамату Гродзенскага абласнога выканаўчага камітэта за шматгадовую добрасумленную працу, папулярызацыю гістарычнай памяці Рэспублікі Беларусь атрымала Красуцкая Святлана Сяргееўна, вядучы бібліёграф аддзела інфармацыйна-бібліяграфічнай работы.

Ганаровай граматай упраўлення культуры Гродзенскага аблвыканкама за добрасумленную шматгадовую працу, значны ўклад у папулярызацыю бібліятэчнай дзейнасці адзначана Давыдзік Надзея Сяргееўна, намеснік дырэктара па асноўнай дзейнасці.

Шчыра віншуем з узнагародамі!