Літаратуры нашай топ – да мінулага зварот! Супрацоўнікі аддзела абанемента падрыхтавалі чарговы відэаролік з серыі “Топавыя падборкі бібліятэкі”. На гэты раз чытачам прапануецца акунуцца ў загадкавы свет айчыннага гістарычнага раману.

У відэа вы пазнаёміцеся з найбольш папулярнымі творамі Уладзіміра Караткевіча – “беларускага Аляксандра Дзюмы”, Леаніда Дайнекі – заслужанага аўтара раманаў аб гісторыі Сярэднявечча і Алега Лойкі – паэта, які напісаў сто кніг.

Выданні згаданых беларускіх пісьменнікаў і многіх іншых знаходзяцца ў аддзеле абанемента па адрасе: вул. Карбышава, 17 (паверх 2, каб. 201) і даступны для прачытання ўсім зацікаўленым гісторыяй айчыннай літаратуры!