3 лістапада, у дзень нараджэння класіка беларускай літаратуры – Якуба Коласа, у аддзеле мастацтва прайшла экскурсія па выставе “Янка Купала і Якуб Колас – нацыянальны гонар Беларусі” для вучняў Гімназіі №10 г. Гродна.

Дзеці праглядзелі мультымедыйную прэзентацыю і пазнаёміліся з унікальнымі экспанатамі выставы: рарытэтнымі кніжнымі і перыядычнымі выданнямі, арыгінальнымі фотаздымкамі, значкамі, грамзапісамі і інш.

З вялікай цікавасцю маладое пакаленне слухала пра жыццёвы лёс нашых класікаў, іх мары і любоў да роднай зямлі. Напрыканцы выставы аўдыторыя зрабіла выснову: Колас і Купала – заўсёды актуальныя, як для моладзі, так і для старэйшага пакалення.

Наведаць выставу “Янка Купала і Якуб Колас – нацыянальны гонар Беларусі” можна ў аддзеле мастацтва.

Наш адрас: вул. Савецкая, 25 (уваход з вул. Калючынскай).

Тэл.: 62-03-12.