25 студзеня ў Гродзенскай абласной навуковай бібліятэцы імя Я.Ф. Карскага ў межах праекта “Пісьменнік і кніга” адбылася творчая сустрэча з гродзенскай паэткай Тамарай Мазур.

Тамара Міхайлаўна – публіцыст, паэт, член Саюза пісьменнікаў Беларусі, таленавіты і творчы чалавек.

Удзельнікі мерапрыемства пазнаёміліся з творчым шляхам пісьменніцы, з яе цудоўнымі, напоўненымі бязмернай любоўю да радзімы вершамі.

А эпіграфам сустрэчы стаў верш з аднайменнага зборніка Тамары Мазур “Як мае быць…” і цудоўны наказ ад яе:

Цані прыродныя дары,

умей жыццё пражыць.

І пры нагодзе гавары:

“Усё як мае быць”.