Напрыканцы красавіка на малую радзіму вяртаецца ляляк звычайны ─ птушка года Беларусі-2021.

14 красавіка эстафету знаёмства з ёй прынялі навучэнцы 3 “Г” класа Пачатковай школы №1. Супрацоўнікі дзіцячага філіала пазнаёмілі дзетак з працай Грамадскай арганізацыі «Ахова птушак Бацькаўшчыны» па захаванню разнастайнасці відаў і экасістэм у Беларусі і далучэння беларусаў да актыўнай аховы прыроды.

З медыяпадарожжа вучні даведаліся пра выгляд птушкі, звычкі леляка, паходжанне назвы і месцы гнездавання. З інтарэсам яны разглядалі відарысы паштовых марак 1979 і 2021 гадоў, прысвечаныя адзінаму прадстаўніку атраду лялякападобных у нашай краіне.

Калектыўная  замалёўка леляка далучыла дзяцей да вывучэння колераў, характэрных для апярэння птушкі.  На дапамогу прыйшлі энцыклапедычныя выданні і ілюстраваныя атласы “Птушкі Беларусі”, якія можна пачытаць у дзіцячым філіяле па адрасе: вул. Савецкая, 25.