Юбіляры чэрвеня
1 – 70 гадоў з дня нараджэння Ватыля Віктара Мікалаевіча (нар. у 1954 г., Гродна), беларускага палітолага, правазнаўца, доктара палітычных навук, прафесара. З 1982 г. працуе ў ГрДУ імя Я. Купалы.
2 – 75 гадоў з дня нараджэння Біруковай Марыі Міхайлаўны (нар. у 1949 г., в. Лашавічы Свіслацкага раёна), беларускага дзяржаўнага і грамадскага дзеяча, педагога. Працавала настаўнікам на Свіслаччыне, у апараце Свіслацкага райкама ЛКСМБ, Гродзенскага абкама ЛКСМБ, Гродзенскага абкама КПБ, намеснікам старшыні Гродзенскага аблвыканкама. У 1996-2013 гг. – старшыня Гродзенскай абласной арганізацыі ГА “Беларускі саюз жанчын”. Дэпутат Палаты прадстаўнікоў Нацыянальнага сходу Рэспублікі Беларусь 4-га склікання. Узнагароджана ордэнам “Знак Пашаны”, ордэнам Пашаны, ордэнам Францыска Скарыны, ордэнам Прападобнай Ефрасінні Полацкай, ордэнам Крыжа Прападобнай Ефрасінні Полацкай.
6 – 75 гадоў з дня нараджэння Бухаўца Алега Рыгоравіча (нар. у 1949 г., в. Аюцавічы Карэліцкага раёна), расійскага і беларускага гісторыка, доктара гістарычных навук, прафесара.
7 – 90 гадоў з дня нараджэння Лукашыка Мікалая Канстанцінавіча (нар. у 1934 г.), беларускага вучонага ў галіне біяхіміі, прафесара. З 1959-2005 гг. працаваў у ГрДМУ.
8 – 170 гадоў з дня нараджэння Курчэўскага Яна (1854 г., в. Данюшава Смаргонскага раёна – 1916 г.), гісторыка, рэлігійнага дзеяча, магістра тэалогіі. У 1886-1889 гг. быў настаяцелем касцёла ў в. Кемелішкі Астравецкага раёна.
9 – 75 гадоў з дня нараджэння Дарашкевіча Віктара Іванавіча (1949 г., в. Сасновы Бор Шчучынскага раёна – 2003 г.), беларускага літаратуразнаўца, крытыка, перакладчыка, тэкстолага.
9 – 75 гадоў з дня нараджэння Пышкала Наталлі Канстанцінаўны (1949 г., Гродна – 1993 г.), мовазнаўца, педагога. У 1977-1978 гг. працавала ў ГрДУ імя Я. Купалы.
12 – 280 гадоў з дня нараджэння Міцкевіча Юзафа (1744 г., Гродзенскі павет – 1817 г.), механіка, фізіка, асветніка, педагога.
14 – 300 гадоў з дня нараджэння Кнобеля Іагана (Яна) Фрыдрыха (1724-1792 гг.), нямецкага архітэктара, прадстаўніка ракако. У 1753-1765 гг. працаваў у Варшаве і Гродне.
16 – 120 гадоў з дня нараджэння Жыжаля Івана Мацвеевіча (1904 г., в. Сыраежкі Бераставіцкага раёна – 1982 г.), дзяржаўнага дзеяча БССР, заслужанага будаўніка Беларусі, Героя Сацыялістычнай Працы (1964 г.), кавалера ордэнаў Леніна (двойчы) і “Знак Пашаны” (двойчы).
17 – 120 гадоў з дня нараджэння Батурына Аляксандра Восіпавіча (1904 г., Ашмяны – 1983 г.), рускага спевака (бас-барытон), педагога, народнага артыста РСФСР, лаўрэата Дзяржаўнай прэміі СССР (1943 г.), прафесара Маскоўскай кансерваторыі.
19 – 110 гадоў з дня нараджэння Рубацкага Уладзіміра Піліпавіча (1914 г., Ашмяны – 1981 г.), спевака (барытон).
19 – 100 гадоў з дня нараджэння Быкава Васіля Уладзіміравіча (1924-2003 гг.), беларускага пісьменніка, грамадскага дзеяча, народнага пісьменніка Беларусі, лаўрэата Літаратурнай прэміі імя Я. Коласа (1964 г.), Дзяржаўнай прэміі СССР (1974 г.), Дзяржаўнай прэміі Беларусі імя Я. Коласа (1978 г.), Ленінскай прэміі (1986 г.), расійскай прэміі “Трыумф” (1999 г.), Героя Сацыялістычнай Працы (1984 г.). У 1947-1949 гг. працаваў мастаком у гродзенскіх майстэрнях, у рэдакцыі абласной газеты “Гродзенская праўда”, у 1956-1972 гг. – літаратурным супрацоўнікам гэтага выдання. У 1972-1978 гг. – сакратаром Гродзенскага абласнога аддзялення Саюза пісьменнікаў Беларусі.
20 – 75 гадоў з дня нараджэння Пукач Тамары Мікалаеўны (нар. у 1949 г., Гродна), беларускага архітэктара.
21 – 160 гадоў з дня нараджэння Глебава Івана Аляксандравіча (1864 г., Гродна), гісторыка, педагога, грамадскага дзеяча. У 1907-1917 гг. – дырэктар Гродзенскай мужчынскай гімназіі, адзін з заснавальнікаў і кіраўнікоў Гродзенскага царкоўна-археалагічнага камітэта і педагагічнага таварыства.
21 – 75 гадоў з дня нараджэння Сцянько Віктара Георгіевіча (нар. у 1949 г., в. Пліса-2 Навагрудскага раёна), беларускага вучонага ў галіне хірургіі, доктара медыцынскіх навук, прафесара. У 1985-2004 гг. працаваў у ГрДМУ.
22 – 70 гадоў з дня нараджэння Галузы Паўла Раманавіча (нар. у 1954 г.), беларускага педагога, псіхолага. З 1977 г. працуе ў ГрДУ імя Я. Купалы.
22 – 20 гадоў з часу адкрыцця Мемарыяльнага ансамбля воінам-пагранічнікам у Гродне, помніка ў памяць пагранічнікаў, загінуўшых у першыя дні Вялікай Айчыннай вайны (2004 г.).
23 – 75 гадоў з часу адкрыцця ДУК “Ваўкавыская раённая бібліятэка” (1949 г.).
23 – 75 гадоў з дня нараджэння Водчыца Рыгора Мікалаевіча (1949-2015 гг.), будаўніка, рацыяналізатара, наватара вытворчасці. У 1970-2000 гг. працаваў на Гроднажылбудзе. Узнагароджаны ордэнам Леніна, ордэнам Працоўнага Чырвонага Сцяга.
24 – 100 гадоў з дня нараджэння Шутэнкі Гаўрыіла Карнеевіча (1924-2002 гг.), беларускага паэта. Жыў у Навагрудку.
26 – 60 гадоў з дня нараджэння Жданкіна Алега Ігаравіча (нар. у 1964 г.), дырэктара ДУК “Гродзенскі заалагічны парк”.
27 – 240 гадоў з дня нараджэння Бароўскага Леана (1784-1846 гг.), гісторыка літаратуры, педагога, публіцыста, перакладчыка. У 1807-1811 гг. працаваў выкладчыкам паэтыкі і рыторыкі ў Свіслацкай гімназіі.
29 – 90 гадоў з дня нараджэння Барташэвіч (Занеўскай) Марыі Віктараўны (1934-2009 гг.), перадавіка сельскай гаспадаркі, Героя Сацыялістычнай Працы (1958 г.). Працавала ў саўгасе “Свіслач” Гродзенскага раёна.