3 ліпеня – Дзень незалежнасці Рэспублікі Беларусь. Для кожнага грамадзяніна нашай краіны гэтае свята напоўнена асаблівым сэнсам. Сёлета мы адзначаем знамянальную падзею – 35 гадоў незалежнасці Беларусі. Гэта значная дата, якая звязана з ключавымі падзеямі ў гісторыі краіны.

На гарадской плошчы, у рамках святкавання Дня Незалежнасці Рэспублікі Беларусь, Ваўкавыская раённая бібліятэка прадставіла бібліятэчную пляцоўку з кніжнай экспазіцыяй “35 гадоў суверэнітэту – наш гонар, наша сіла!”.

Для гараджан і гасцей горада былі прадстаўлены: акцыя “Беларусь: дрэва жыцця”, майстар-клас “Бусел незалежнасці”, гульня-угадайка “У пошуках валошкі”, размалёўванне арт-плаката, аквагрым.

Таксама наведвальнікі маглі праверыць свае веды, разгадаўшы юбілейную крыжаванку.

На свяце была аформлена тэматычная фотазона.