У Альхоўскай сельскай інтэграванай бібліятэцы прайшла тэатралізаваная гульня-падарожжа.

Па сюжэце Лень-матухна выкрала фарбы лета, але Захавальніца кніг разам з выхаванцамі дзіцячага садка выправіліся ў пагоню. Дзеці хутка адгадвалі загадкі, выдатна дэкламавалі скорагаворкі і без адзінай памылкі прайшлі гульню “Так ці не”.

Фіналам свята стаў лялечны спектакль паводле беларускай народнай казкі “Кемлівая жаба», які падрыхтавалі старэйшыя дзеці. Фарбы вярнуліся, лета выратавана! Усе засталіся з добрым настроем  і морам эмоцый!

Кніга – сапраўдная крыніца цудаў!