У філіяле “Войстамская сельская інтэграваная бібліятэка” адбыўся фальклорны вечар “Зіму выпраўляем, вясну сустракаем”, прысвечаны старажытнаму славянскаму святу Масленіца.

Масленіца азначае праводзіны зімы, сустрэчу вясны і падрыхтоўку да Вялікага посту. Бібліятэкар пазнаёміла гасцей з гісторыяй і традыцыямі святкавання Масленіцы, распавяла, як даўней адзначалі гэтае яркае свята.

Сэрцам мерапрыемства сталі сапраўдныя вясёлыя гулянні. З захаваннем народных традыцый і беларускага каларыту, удзельнікі з радасцю далучыліся да разнастайных гульняў, конкурсаў, народных песень, прыпевак і карагодаў. Не абышлося і без сытных частаванняў – прысутных частавалі румянымі блінамі. У бібліятэцы была аформлена тэматычная выстава, на якой прадстаўлена адна з галоўных страў Масленіцы – бліны з самымі разнастайнымі начынкамі.

Кульмінацыяй свята стаў традыцыйны абрад спальвання пудзіла Масленіцы, які сімвалізаваў канчатковыя праводзіны зімы. Завяршыўся ж вечар цёплым сумесным чаяваннем.

Усе ўдзельнікі цудоўна правялі час, адчуўшы сапраўдны дух старажытнага свята!