Бібліятэкар філіяла “Кямелішкаўская сельская інтэграваная бібліятэка” правяла для выхаванцаў дзіцячага садка незвычайнае свята. Быў арганізаваны сапраўдны калейдаскоп весялосці пад назвай “Свеціць сонейка для ўсіх”. Мэта мерапрыемства — не проста забавіць дзяцей, але праз гульню, кнігу і творчасць навучыць іх дабрыні, сяброўству і ўменню бачыць радасць у простых рэчах.

Супрацоўнік бібліятэкі запрасіла малых у падарожжа па краіне “Весялосць”, дзе кожны мог стаць галоўным героем. Першым этапам стала гучнае чытанне казак пра сонца. Дзеці з задавальненнем адгадвалі загадкі аб прыродных з’явах, а затым уключыліся ў рухомыя гульні.

Асаблівы інтарэс выклікаў творчы майстар-клас: кожны выхаванец сваімі рукамі стварыў маленькае сонейка.