18 чэрвеня ў галоўным корпусе абласной бібліятэкі сабраліся жыхары і госці горада над Нёманам на незвычайную творчую сустрэчу пад назвай «Прычашчэнне словам». Гэта было сапраўднае свята для ўсіх, хто любіць прыгожае пісьменства і родную мову.

Сваю праграму прадставіла літаратурнае аб’яднанне «Купальскія зоры» (г. Баранавічы), якое ўзначальвае Таццяна Мікалаеўна Яцук. Наведвальнікі мерапрыемства акунуліся ў цёплую і душэўную атмасферу, дзе змаглі пазнаёміцца з таленавітымі аўтарамі і паслухаць іх творы.

Асаблівым упрыгожаннем вечарыны сталі аўтарскія музычныя кампазіцыі, выкананыя членамі літаратурнага аб’яднання. Гэта дадало выступленням асаблівага шарму і дазволіла гледачам яшчэ глыбей адчуць настрой і сэнс паэзіі.

Гэтая сустрэча стала выдатнай магчымасцю дакрануцца да прыгожага пісьменства, пачуць мілагучную родную гаворку і натхніцца творчасцю землякоў. А выдатны падарунак – новы зборнік паэзіі «Купальскія зоры – 2» зусім хутка апынецца на паліцах бібліятэкі.

Вялікі дзякуй усім удзельнікам і гасцям мерапрыемства!