1 – 75 гадоў з часу заснавання Гродзенскай рэгіянальнай мытні (1945).

1 – 70 гадоў з дня нараджэння Нічыпаровіч Галіны Міхайлаўны (нар. у 1950 г., в.Грабава Іўеўскага раёна), беларускай паэтэсы.

2 – 60 гадоў з дня нараджэння Васілені Алега Леанідавіча (нар. у      1960 г., в.Вялікія Ёдкавічы Бераставіцкага раёна), беларускага дызайнера.

3 – 80 гадоў з дня нараджэння Логвіна Міхаіла Аляксандравіча (1940, в.Яселевічы Шчучынскага раёна – 2016), беларускага гаспадарчага і дзяржаўнага дзеяча, заслужанага работніка сельскай гаспадаркі Беларусі. З  1971 г. працаваў на Шчучыншчыне. У 1995-1999 гг. – першы намеснік старшыні Гродзенскага аблвыканкама. У 1999-2005 гг. узначальваў абласны тэрытарыяльны камітэт прадпрымальніцтва і інвестыцый. Узнагароджаны ордэнам “Знак Пашаны”, ордэнам Працоўнага Чырвонага Сцяга, ордэнам Кастрычніцкай Рэвалюцыі.

4 – 100 гадоў з дня нараджэння Сасноўскага Міхаіла Сцяпанавіча  (1920 – 2008), беларускага дзяржаўнага дзеяча, удзельніка Вялікай Айчыннай вайны. У 1958-1962 гг. – першы сакратар Свіслацкага райкама КПБ. У         1962-1983 гг. – намеснік старшыні Гродзенскага аблвыканкама. Узнагароджаны ордэнамі Айчыннай вайны I і II ступеняў, ордэнам Працоўнага Чырвонага Сцяга, ордэнам Дружбы народаў, трыма ордэнамі “Знак Пашаны”.

5 – 90 гадоў з дня нараджэння Чартко Івана Восіпавіча                      (1930, в.Ярошычы Навагрудскага раёна – 1975), беларускага мовазнаўца, педагога.

6 – 60 гадоў з дня нараджэння Варановіч (Стурліс) Тарэсы Іосіфаўны (нар. у 1960 г., в.Ажуройсці Астравецкага раёна), беларускай мастачкі (жывапіс), педагога. Жыве ў Астраўцы.

6 – 60 гадоў з дня нараджэння Герасім (Стурліс) Ірэны Іосіфаўны (нар. у 1960 г., в.Ажуройсці Астравецкага раёна), беларускай і літоўскай мастачкі (жывапіс).

7 – 75 гадоў з дня нараджэння Марцынюка Аляксандра Іванавіча (1945, Гродна – 2011), беларускага акцёра тэатра і кіно, заслужанага артыста Беларусі. У 1976-2007 гг. працаваў у Гродзенскім абласным драматычным тэатры.

8 – 70 гадоў з дня нараджэння Бачарова Віктара Мітрафанавіча      (1950 – 2004), беларускага педагога, паэта, празаіка, самадзейнага кампазітара. З 1959 г. жыў у Гродне. З 1975 г. жыў і працаваў ва ўстановах адукацыі Ліды.

8 – 60 гадоў з дня нараджэння Беня Рамуальда Уладзіміравіча (нар. у 1960 г., в.Пажыжма Воранаўскага раёна), беларускага педагога, краязнаўца. Настаўнічаў у в.Даўгялы Воранаўскага раёна. З 1985 г. – настаўнік Канвелішскай СШ Воранаўскага раёна.

9 – 80 гадоў з дня нараджэння Лецкі Ксенафонта Іванавіча               (1940 – 2006), беларускага літаратуразнаўца, філолага, педагога. З 1979 г. працаваў у Гродзенскім дзяржаўным універсітэце імя Я. Купалы.

10 – 80 гадоў з дня нараджэння Амяльянчыка Міхаіла Сцяпанавіча (1940 – 2007), беларускага вучонага ў галіне агульнай гігіены і экалогіі, доктара медыцынскіх навук, прафесара, выдатніка аховы здароўя. У 1969-1977 гг. і з 1980 г. працаваў у Гродзенскім дзяржаўным медыцынскім універсітэце.

10 – 80 гадоў з дня нараджэння Вадап’янава Паўла Аляксандравіча (нар. у 1940 г., в.Паланая Карэліцкага раёна), беларускага філосафа, члена-карэспандэнта НАН Беларусі, доктара філасофскіх навук, прафесара, выдатніка адукацыі Беларусі, лаўрэата прэміі акадэмій навук Украіны, Беларусі і Малдовы (1996).

11 – 110 гадоў з дня нараджэння Нічыпарука Івана Валяр’янавіча (1910, в.Лабна-Агароднікі Гродзенскага раёна – 1987, Гродна), беларускага хірурга, артапеда-траўматолага, заслужанага ўрача Беларусі, выдатніка аховы здароўя. З 1937 г. працаваў у Гродне, у 1944-1981 гг. – у 2-й гарадской клінічнай бальніцы.

11 – 80 гадоў з часу стварэння ДУ “Нацыянальны гістарычны архіў Беларусі ў г.Гродна” (1940).

12 – 70 гадоў з дня нараджэння Грыгор’ева Георгія Аляксеевіча     (1950, Гродна – 2002), беларускага гісторыка.

14 – 75 гадоў з дня нараджэння Глушчанкі Людмілы Фёдараўны (нар. у 1945 г.), беларускага і расійскага вучонага ў галіне масаперадачы, акадэміка Расійскай Акадэміі Прыродазнаўства, доктара тэхнічных навук, прафесара.       У 1980-1992 гг. працавала ў Гродзенскім дзяржаўным сельскагаспадарчым інстытуце.

14 – 70 гадоў з дня нараджэння Паўлоўскага Аляксандра Аляксеевіча (нар. у 1950 г.), беларускага дзяржаўнага і ваеннага дзеяча, генерал-лейтэнанта, дыпламата, доктара ваенных навук. У 1992 г. арганізаваў рэфармаванне 6-й гвардзейскай Кіеўска-Берлінскай танкавай дывізіі ў Гродне, што паслужыла пачаткам рэфармавання Узброеных Сіл Рэспублікі Беларусь.

15 – 120 гадоў з дня нараджэння Вільчыцкага Алеся (Аляксандр Сцяпанавіч; 1900, г.п.Мір Карэліцкага раёна – 1938), беларускага дзеяча культуры, педагога, рэдактара газеты “Беларуская справа” (Вільня, 1926).

15 – 70 гадоў з дня нараджэння Вялічкі Магдалены Рыгораўны (нар. у 1950 г., в.Зарэчная Даліна Шчучынскага раёна), беларускага вучонага ў галіне біяхіміі і фізіялогіі, доктара медыцынскіх навук, прафесара Гродзенскага дзяржаўнага аграрнага ўніверсітэта.

16 – 75 гадоў з часу стварэння Гродзенскага дзяржаўнага вытворчага лесагаспадарчага аб’яднання Міністэрства лясной гаспадаркі Рэспублікі Беларусь (1945).

16 – 60 гадоў з дня нараджэння Германа Алега Вітольдавіча (нар. у 1960 г., Гродна), беларускага вучонага ў галіне матэматычнай логікі і кібернетыкі, спецыяліста па кіраванню ў тэхнічных сістэмах, педагога.

17 – 70 гадоў з дня нараджэння Міхалковіча Мікалая Уладзіміравіча (нар. у 1950 г., в.Залясяны Гродзенскага раёна), беларускага вучонага ў галіне педагогікі, выдатніка адукацыі Беларусі. З 1991 г. працуе ў Гродзенскім дзяржаўным універсітэце імя Я. Купалы.

18 – 70 гадоў з дня нараджэння Дрозд Наталлі Іванаўны (нар. у 1950 г., Слонім), беларускага дзяржаўнага дзеяча, дыпламата, педагога, прафесара.

18 – 70 гадоў з дня нараджэння Пятроўскай Зоі Данілаўны (нар. у     1950 г.), беларускага дзеяча культуры, кіраўніка узорнага тэатра эстрадна-спартыўнага танца “Каскад” у Слоніме, лаўрэата прэміі імя А.І. Дубко Гродзенскага аблвыканкама  “За творчыя дасягненні ў галіне літаратуры і мастацтва” ў намінацыі “Мастацкі кіраўнік узорнага (заслужанага) аматарскага калектыву года ” (2013).

19 – 130 гадоў з дня нараджэння Сваяка Казіміра (сапр. Стаповіч Канстанцін Мацвеевіч; 1890, в.Барані Астравецкага раёна – 1926), беларускага пісьменніка (паэт, празаік, драматург, публіцыст), філосафа, рэлігійнага і грамадскага дзеяча, каталіцкага святара.

19 – 100 гадоў з дня нараджэння Варанецкага Андрэя Максімавіча (1920 – 1972, в.Вялікія Эйсманты Бераставіцкага раёна), беларускага гаспадарчага дзеяча, педагога, удзельніка Вялікай Айчыннай вайны, Героя Сацыялістычнай Працы (1966). З 1946 г. настаўнічаў у Бераставіцкім раёне, быў дырэктарам Эйсмантаўскай сямігадовай школы. У 1953-1972 гг. – старшыня калгаса “Гвардыя” (цяпер СВК імя Варанецкага). Узнагароджаны ордэнам Леніна, ордэнам Кастрычніцкай Рэвалюцыі, ордэнам Працоўнага Чырвонага Сцяга.

19 – 100 гадоў з дня нараджэння Жукоўскага Аляксандра Сямёнавіча (1920 – 1995, Слонім), беларускага педагога, краязнаўца, удзельніка партызанскага руху ў Вялікую Айчынную вайну, заслужанага работніка культуры Беларусі. Настаўнічаў на Слонімшчыне. У СШ № 4 Слоніма заснаваў народны музей, які цяпер носіць яго імя.

20 – 75 гадоў з дня нараджэння Вувунікяна Юрыя Мікіртычавіча (нар. у 1945 г.), матэматыка, педагога, доктара фізіка-матэматычных навук, прафесара. З 1979 г. працуе ў Гродзенскім дзяржаўным універсітэце імя           Я. Купалы.

22 – 100 гадоў з дня нараджэння Мялешкі Льва Восіпавіча (нар. у     1920 г.), беларускага фізіка, доктара фізіка-матэматычных навук, прафесара. У 1967-1973 гг. працаваў у Гродзенскім дзяржаўным педагагічным інстытуце імя Я. Купалы.

22 – 80 гадоў з часу заснавання вышэйшай навучальнай установы “Гродзенскі дзяржаўны ўніверсітэт імя Я. Купалы”, лаўрэата Прэміі Урада Рэспублікі Беларусь за дасягненні ў галіне якасці (1940).

22 – 60 гадоў з дня нараджэння Лялікава Аляксандра Міхайлавіча (нар. у 1960 г., в.Саволеўка Гродзенскага раёна), беларускага фізіка, доктара фізіка-матэматычных навук, прафесара. З 1981 г. працуе ў Гродзенскім дзяржаўным універсітэце імя Я. Купалы.

22 – 60 гадоў з дня нараджэння Шылавай Ірыны Алегаўны (нар. у 1960 г., Гродна), беларускай спартсменкі (стральба кулявая), заслужанага майстра спорту СССР, чэмпіёнкі XXIV летніх Алімпійскіх гульняў (1988, Сеул), чэмпіёнкі свету (1989, 1990, 1991), чэмпіёнкі Еўропы (1986, 1989, 1990, 1992, 1996). Узнагароджана ордэнам “Знак Пашаны”.

23 – 180 гадоў з дня нараджэння Крастоўскага Усевалада Уладзіміравіча (1840 – 1895), рускага пісьменніка, журналіста, гісторыка. У 1868-1874 гг. служыў афіцэрам 14-га ўланскага Ямбургскага палка, раскватараванага на Гродзеншчыне.

23 – 90 гадоў з дня нараджэння Семяновіч Чаславы Антонаўны (1930, Смаргонь – 2007, Гродна), беларускага грамадска-палітычнага дзеяча.

24 – 75 гадоў з часу стварэння дзяржаўнай установы аховы здароўя “Гродзенская гарадская станцыя хуткай медыцынскай дапамогі” (1945).

25 – 70 гадоў з дня нараджэння Ганчарова Аляксандра Аляксандравіча (нар. у 1950 г.), члена-карэспандэнта Беларускай інжынернай акадэміі, выдатніка адукацыі Беларусі. У 1988-2013 гг. – дырэктар УА “Гродзенскі дзяржаўны палітэхнічны каледж”.

25 – 110 гадоў з дня нараджэння Глебкі Васіля Аляксандравіча (1910, в.Падкасоўе Навагрудскага раёна – 1972), беларускага палітычнага і гаспадарчага дзеяча, удзельніка рэвалюцыйнага руху ў Заходняй Беларусі, Героя Сацыялістычнай Працы (1966), кавалера ордэна Леніна. У 1949-1966 гг. – старшыня калгаса “Світанак” Навагрудскага раёна.

25 – 60 гадоў з дня нараджэння Грыневіча Сяргея Аркадзьевіча (нар. у 1960 г., в. Краснае Сяло Ваўкавыскага раёна), беларускага мастака (станковы жывапіс, манументальна-дэкаратыўнае мастацтва). Жыве ў Гродне.

27 – 60 гадоў з дня нараджэння Петрушкевіч Алы Мікалаеўны ( псеўд. Альжбета Кеда; нар. у 1960 г., в.Шчонава Карэліцкага раёна), беларускай пісьменніцы, літаратуразнаўца, крытыка, педагога, лаўрэата прэміі імя А.І. Дубко Гродзенскага аблвыканкама  “За творчыя дасягненні ў галіне літаратуры і мастацтва” ў намінацыі “Пісьменнік года” (1999). Настаўнічала ў Карэліцкім і Шчучынскім раёнах. З 1992 г. працавала ў Гродзенскім дзяржаўным універсітэце імя Я. Купалы.

28 – 80 гадоў з дня нараджэння Мазуры Пятра Іванавіча (нар. у 1940 г., в.Ваўканоша Навагрудскага раёна), беларускага вучонага ў галіне агранаміі, педагога. У 1980-2010 гг. працаваў у Гродзенскім дзяржаўным аграрным універсітэце.

28 – 75 гадоў з дня нараджэння Белавусавай Алены Васільеўны (нар. у 1945 г.), беларускага філосафа, педагога. З 1973 г. працавала ў Гродзенскім дзяржаўным універсітэце імя Я. Купалы.