27 красавіка ў Гродзенскай абласной бібліятэцы адбыўся V абласны конкурс мастацкага чытання сярод членаў ГА “БелТІЗ” па сістэме Брайля “Музыка слова”.

Удзельнікі мерапрыемства павінны за 15 хвілін падрыхтавацца да мастацкага чытання незнаёмага тэксту. У гэтым годзе былі абраныя два вершы таленавітага беларускага паэта-юбіляра Янкі Купалы “Вясна” і  ўрывак з паэмы “Яна і я”.

Члены журы – рэжысёр і кіраўнік народнага эксперыментальнага тэатра-студыі “Бочонок” – Сяргей Бачкоў, член Саюза пісьменнікаў Беларусі – Анатоль Апанасевіч, загадчык універсальнай чытальнай залы абласной бібліятэкі – Марына Болдак, пасля доўгіх абмеркаванняў агучылі рэзультаты конкурсу.

У катэгорыі “Ад 12 да 18”:

• 1 месца – Гурэнкова Анастасія;
• 2 месца – Грабіцкі Данііл.

У катэгорыі “18 +”:

• 1 месца – Жогаль Валянціна;
• 2 месца – Вянско Таццяна;
• 3 месца – Леўша Ірына.

Віншуем пераможцаў!