Рэгiстрацыя:

500 гадоў беларускаму кнігадрукаванню

   У 2017-м годзе Беларусь адзначае адну з найважнейшых дат сваёй гісторыі і культуры – 500-годдзе беларускага і ўсходнеславянскага кнігадрукавання і беларускай Бібліі. 6 жніўня 1517 года ў пражскай друкарні пабачыла свет кніга «Песни царя Давыда еже словуть Псалтыр» Францыска Скарыны. Гэта значная дата будзе шырока адзначацца не толькі ў Беларусі, але і ва ўсім свеце.
  Да 500-годдзя беларускага кнігадрукавання ў Гродзенскай абласной навуковай бібліятэцы імя Я.Ф.Карскага на працягу года адбудзецца шэраг мерапрыемстваў:

      Абласны конкурс “На лепшую самаробную кнігу”.
     Запрашаем жыхароў і гасцей Гродзеншчыны паказаць свае творчыя здольнасці ў стварэнні кніжных “шэдэўраў”.
       І-ІІІ кв.

     13.04
    Абласная акцыя “Чытаем разам” творчую спадчыну Ф.Скарыны.
      Знакамітыя людзі Гродзеншчыны разам з чытачамі абласной бібліятэкі прачытаюць урыўкі з твораў Ф.Скарыны і прысвечаных яму.
                                                                                                                                вул. Замкавая, 20

       01.06
      Абласная акцыя “Кніга дорыць свята”, да Дня абароны дзяцей.
    “Кніга дорыць свята” ўсім юным гарадзенцам! Шчыра запрашаем правесці першы летні дзень разам з бібліятэкай. Вас чакае мноства цікавых адкрыццяў, вясёлых конкурсаў і самая незвычайная “Казачная ноч у бібліятэцы”. На кожным кроку – гульнёвыя пляцоўкі і творчыя майстэрні: бібліяпрыгоды “Казкі ажываюць вечарам”, “Палянка загадак”, “Казачны лабірынт” і інш. Усе жадаючыя змогуць наведаць рэзідэнцыю Бабы Ягі, а казачныя героі Шапакляк і кот Леапольд прапануюць прысутным адказаць на пытанні віктарыны.
                                                                                                      вул. Ажэшкі, 17, вул. Савецкая, 25

     14.09
     Выстава “З глыбінь вякоў нам засталася кніга” (у межах праекта “Дакрануцца да гісторыі”).
    Выстава старадаўніх кніг з фонду абласной бібліятэкі і прыватных калекцый гарадзенцаў.
                                                                                                                                 вул. Савецкая, 25

     22.09
  Фестываль кнігі “Кніжныя скарбы Беларусі” (сумесна з выдавецкімі арганізацыямі Рэспублікі Беларусь).
     Упершыню ў Гродна – фестываль кнігі!
  Запрашаем жыхароў і гасцей горада пазнаёміцца з навінкамі кнігадрукавання Рэспублікі Беларусь, сустрэцца з сучаснымі пісьменнікамі і паэтамі, прыняць удзел у літаратурных конкурсах і акцыях. Юных гарадзенцаў чакаюць – гучныя чытанні, творчыя майстэрні, пазнавальныя гульні.
                                                                                                                                 вул. Замкавая, 20

     28.09
   Міжнародныя ХІІ Гарадзенскія навуковыя чытанні “Ад першай сцяжынкі Францыска Скарыны”.
    Запрашаем навукоўцаў, прадстаўнікоў творчай інтэлігенцыі Рэспублікі Беларусь і замежных краін прыняць удзел у канферэнцыі.
                                                                                                                                 вул. Замкавая, 20

     12-13.10
  Навуковая канферэнцыя “Францыск Скарына ў беларускай культуры”, да 500-годдзя беларускага кнігадрукавання (сумесна з УА “Гродзенскі дзяржаўны ўніверсітэт імя Я.Купалы” і Універсітэтам у Беластоку (Рэспубліка Польшча).
                                                                                                                                вул. Замкавая, 20

    28.10
  Дзень інфармацыі “Пачатае Скарынам”, да 500-годдзя беларускага кнігадрукавання.
  На мерапрыемстве можна даведацца пра гісторыю пісьма, кнігадрукавання, невядомыя і малавядомыя помнікі духоўнай спадчыны, сучасны стан выдавецкай справы на Беларусі.
                                                                                                                                 вул. Замкавая, 20

Книга Беларуси XIV-XVIII веков
Виртуальный читальный зал
Polpred.com. Связи с Россией. Экономика 230 стран
Национальный правовой Интернет-портал Республики Беларусь
Гродненский областной исполнительный комитет